觀瀾湖世界明星賽剛於上月底閉幕，獲邀出席的前少女時代成員Jessica Jung亦有份上場獻技，她興奮表示：「雖然今次冇正式參與比賽，但落場練golf時見到好多fans，感覺好開心！」

Jessica對於早前發聲明表示被迫退隊，事隔一個月後，單飛發展的她透露有意進軍大中華市場：「好興奮有個新開始，我會繼續唱歌同演戲，每個機會都係新嘗試。」此外，她現正忙於發展自家墨鏡品牌Blanc & Eclare，兩星期前連卡佛亦開始引入此品牌。由於反應熱烈，她正準備推出頸巾系列。「我自己本身鍾意的classic style，好似Grace Kelly咁，所以我就成立咗呢個牌子。我設計呢個系列用咗幾個月時間，所有靈感都係來自我旅行期間的經歷，每副眼鏡都以我鍾意嘅城市命名，平時我鍾意將太陽眼鏡同服裝玩mix and match。」

對於有傳Jessica將於明年五月，與鍾欣潼前度男友權寧一共諧連理，她即耍手擰頭否認：「一直以來我希望在三十歲時結婚，理想對象要幽默、畀到安全感我，外表只係其次，但他不是我的那杯茶。」

早前鄭秀妍與連卡佛合作推出兩副特別版太陽眼鏡，並以自己作生招牌拍廣告。

Jessica Jung's Profile

中文名：鄭秀妍

身高：162cm

入行經過：韓裔美籍，於三藩市出生，二○○○年偕家人到韓國旅遊，於樂天百貨逛街時獲星探發掘，其後經受訓七年，成為少女時代成員之一。

曾演出電視劇：《蘿蔔泡菜》、《無法阻擋的婚姻》（○八年）、《Oh！My Lady愛你喲》、《泰熙慧喬智賢》（一○年）、《暴力羅曼史》（一二年）