美資深外交官坐鎮中大
政圈一直有傳聞話有特殊身份嘅外國學者、甚至有份發動顏色革命嘅基金組織喺幕後發功幫學生搞佔領運動。其中「中文大學香港美國研究中心（簡稱港美中心HKAC）」就傳同學生領袖過從甚密。有知情人士指，研究中心主任（Exeutive Director）侯儒楷（Morton Holbrook）來頭甚猛。
侯儒楷係美國人，專門研究國際政治學。佢特別起咗個好儒雅的中文名，方便經常往返內地做訪問學者。知情者表示，侯儒楷退休後先做學術研究，退休前係一名重量級外交官，一九九○至九三年曾經擔任美國駐中國瀋陽總領事館的總領事。
中文大學近年成為學運大山頭，百萬大道「烽火台」是集會的大場地。
美國喺全中國設一個大使館、五個總領事館，每一個都係高度戰略性的擺位，其中瀋陽更係針對性專做北韓的外交同情報工作，侯儒楷二十年前已坐鎮瀋陽，唔簡單也。
侯儒楷喺美國外交界資歷深厚，現任駐港總領事夏千福早年喺國務院中國事務辦公室做「o靚」時，據講其中一個師傅就係侯儒楷。侯儒楷退休後，○○年來港接任港美中心職務。
港美中心成立咗十幾年，八間院校嘅通識教育教材設計，據講都係由呢間中心包辦，今年初亦搞咗培訓班，培訓一批佔中人士如何搞示威。
