香港人着乜、用乜都要快，近日除了瘋搶iPhone 6外，在連卡佛限量發售，價值一萬多元的Chanel新一系列金裝幻彩拼布波鞋，一開售亦惹來一班名人爭相搶購，唔使一日即全線賣斷市。搶到貨的星級粉絲，當然要影相放上網晒一晒，爭做最in潮人！早買早晒早享受呀嘛！

徐濠縈代言人

向來換季金額無上限的徐濠縈，一向貫徹「有殺錯無放過」的宗旨，購物瘋狂程度仲勁過一班iPhone 6炒家。早前第一時間買到Chanel新款金裝幻彩波鞋的她，馬上全方位三百六十度影呀影，自己又做埋model示範，成個代言人咁款！

前影後影左影右影，搶購到新波鞋梗要火速擺上網分享。

薛芷倫四隻色

別以為「Ball后」薛芷倫只對高跟鞋和低胸衫有興趣，早前獨自到ifc連卡佛「掃鞋」的她，一次過試晒四款不同顏色的金裝波鞋，不過心大心細的她，唔知買邊對好。