容祖兒（Joey）與師兄劉浩龍自一二年六月公開戀情後，一直以來有影皆雙，出席不同朋友的飯局。二人拍拖至今感情定過抬油，已三十四歲的Joey終於在今年初完成個唱時，公開讚男友：「佢對我好重要，患難見真情，靠得住。」又稱希望可以在三十六歲前生BB。恨嫁恨到出口。日前一個晚上，Joey更偕師兄與剛新婚的Yumiko夫婦歎日本菜取經，睇嚟Joey和師兄應該好事近了。

Joey和師兄當晚跟Yumiko夫婦於大坑隱泉歎足兩個鐘日本菜，Joey一馬當先步出食肆。

傾唔停

日前一個晚上，容祖兒和劉浩龍相約了鄭希怡及其老公Andy，到大坑隱泉串燒飯局。當晚四人約於十時才到達，其時Eric Kwok郭偉亮和好友彭敬慈等人已在食肆內用膳中。由於店舖只有廿多個座位，Eric在店內遇見他們後，即上前跟他們吹了一陣水。

據了解，當晚Joey和師兄找Yumiko夫婦飯局，就是想了解籌備婚禮細節。「聽講嗰晚佢哋食飯，主要係Yumiko同Andy攞啲訂婚紗同外國結婚嘅資料畀Joey佢哋。雖然嗰晚隱泉唔多人，但係佢哋傾偈時，都盡量細聲，唔想咁揚。」一名知情人士說。

轉街角往取車，只見Joey和Yumiko即時故意墮後，繼續密密傾。

九月初Yumiko和Andy在港補擺喜酒時，Joey和師兄（黃圈）亦是二人姊妹和戥穿石之一。