為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 10 月 08 日

朱牧玩低調 三子有分歧

戴耀廷、陳健民、朱耀明推動「佔中」,點知一開四,連銅鑼灣、尖沙咀、旺角都被佔領,大出三子預料之外。

佔領行動失控後,有心水清人士發現,三子再無好似以前行得咁埋,由以前「三位一體」,變成好似各有各行,戴耀廷、陳健民各自見記者回應事件之外,朱耀明牧師自佔中啟動後更幾乎連影都唔見,變得相當低調。

三子於佔中啟動多日後,再度一齊公開站台亮相,呼籲學生開放政總通道,當晚朱耀明(右)神態明顯比以往更為沉默。(石成龍攝)

上周六晚,傳媒終於再見到三子一齊出現喺金鐘,向學生呼籲開通政府通道,不過朱耀明顯得相當沉默。

有接近三子人士透露,朱牧近幾日心情幾低落,佢對目前失控情況表現好無奈;其實朱牧一早強調佔中要按既定步驟行,但當時個個情緒高漲,話以年年七一遊行都和平嘅經驗,唔相信佔中會大亂,朱牧嘅說話,被指為杞人憂天。

三子提早佔中,亦係被學生罷課逼出來,「三子之間應該有爭議,可能戴耀廷一意孤行提早,朱牧唔想畀人感覺三子分化,所以對外口徑要一致,但事後就刻意低調,不再鼓動群眾。」

與朱牧熟稔人士透露,朱牧經歷好多風雨、佢曾直接介入過八九年六四事件,親身見證一場運動如何不斷失控,最終以流血收場,過程歷歷在目,朱牧深信群眾運動唔係咁易控制,事實證明,他的擔心最終成真。

朱牧自佔中後變得低調,經常以獨行俠身份悄悄到現場探望群眾。