食肆抽水「爆Seed章魚丸」吸客
《使徒行者》雖然日前已經大結局，但幾位男女主角林峯、佘詩曼及苗僑偉吸金能力再升，高海寧及沈震軒亦人氣大增，據知阿佘的商演價更急升至六十萬人民幣，真係犀利！幾位臥底大受觀眾歡迎，連食肆都忍唔住要出手抽佢哋水，有網友發現內地有一間食肆，就以劇中角色的名字作為菜式名，如「釘姐四海魚蛋」、「爆Seed章魚丸」、「歡喜經典奶茶」等，雖然唔知這《使徒行者》餐飲系列好唔好味，但個名改得咁過癮，相信都會吸引到一班「使迷」去朝聖一吓！
食肆老闆認真有諗頭，見《使徒行者》受歡迎，即時改名抽水。
