為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 10 月 02 日

陳啟宗力讚振英哥

恒隆地產(00101)董事長陳啟宗上星期喺天津主持商場開幕禮後同記者吹水,話題特別多,而且有問必答。佢係成功商人,睇事物亦有獨到見解。好多人都知佢係超級梁粉,問佢點解咁撐首梁振英,佢答得爽快,盛讚佢「有正氣,有能力,咁強分析能力同判斷力嘅人,當今政治圈真係無幾多個。」陳啟宗又話,喺佢認識嘅港人中,擁有「梁振英能力」的人,「我仲未見過第二個!」

陳啟宗已不是第一次開口撐CY,早喺一二年CY初上任,佢已讚CY係特首不二人選,另一次就話佢上咗任後,香港情況比以前好。

陳啟宗媽媽,上周同個仔一齊主持天津商場開幕禮,老人家身體壯健仲非常精靈。

陳啟宗喺上海、無錫、濟南都有商場,今次喺天津嘅恒隆廣場,係佢喺內地第一塊地皮,卻好事多磨搞到十年後嘅今日,商場至建成。可能因為咁,佢心情特別靚,仲大爆自己家族五代前已喺天津生活,其祖父輩更曾因為豪賭,一晚輸咗一條街畀人,佢今日喺天津買番一條街,顯得特別有意思。

佢九十幾歲嘅母親陳譚慶芬少女時代原來都有喺呢條街生活過,十年前知道個仔買番呢幅地,自己猛話一定要出席開幕禮。

陳啟宗家族旗下嘅晨興基金會,早前先後向美國哈佛大學及南加州大學合共捐咗二十幾億。其實陳啟宗喺內地多年已做唔少慈善事,只係較為低調。佢話好多年前,佢已幫中科院興建教學樓,現時還一直有資助浙江大學的晨興學人計劃,帶他們來香港見董建華、梁錦松、梁振英等,佢仲猛讚呢啲學人英文頂呱呱。