為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2014 年 08 月 26 日

盛女揭秘 蔡一鳳

亞視前執行董事盛品儒女友蔡一鳳,近日活躍於港澳社交圈。除了因為早前盛品儒攬啜o靚模,二人火速分手又復合外,她於澳門豪擲億元開設珠寶店,亦令她聲名大噪。

水頭充足的蔡一鳳,背景相當神秘,有指其家族身家逾二十億,父母從事金融及房地產生意,表哥更是太陽集團的老闆周焯華,在澳門街財雄勢大。

現時身兼銳思集團老闆,及墨爾本皇冠(澳門區)賭場副總裁的蔡一鳳,談到家庭背景點到即止,但就明言:「周焯華唔係我表哥,我哋冇血緣關係。至於父母,我就唔會講喇!」

然而當話題轉到男友盛品儒,她卻回復小女人本色,滔滔不絕,「佢為人的確體貼又浪漫,出年結婚?佢都同人講咗,我都唔想佢瘀,但都要我父母答應先得,哈哈!」

無論身家幾豐厚,外表多強悍,說到底女人還是希望找個好歸宿而已。

戴上約一百七十萬黃白鑽頸鏈的她,起初拍照時面容比較生硬:「我唔係好識面對鏡頭,可唔可以教我點擺甫士?都唔知日後影結婚相點算好,哈哈!」

金鎖匙

含着金鎖匙出世的蔡一鳳,是菲律賓華僑,更有西班牙血統。她稱六歲隨家人由中國到菲律賓生活,十六歲便移民到澳門。外界一直盛傳蔡一鳳是太陽集團主席周焯華的表妹,她聽後馬上澄清說:「我唔係周焯華表妹,我同佢一啲血緣關係都無,佢只係我表哥的工作合作夥伴,大家一直以表哥表妹咁稱呼,所以先畀人誤會!」

她不願透露表哥名字,只聲稱父母從事金融及房地產生意,家族有人是菲律賓銀行家、政治人物及國民黨高官,自少便有傭人及司機接送,據聞家族身家超過二十億,百分百是名門千金。

經常要出外應酬的蔡一鳳笑言,自己性格與男友完全相反:「佢個人真係好悶,佢要十一點瞓覺,第二日五、六點起身,之後就去跑步,唔多願意出街,但就EQ好高,同我性格好唔同。」