現年二十三歲的劉凱欣（Byoung），選美入行，但以廣州人身份進軍香港娛樂圈，始終門路狹窄，直至遇到伯樂，今年才正式簽約「大名娛樂」旗下，全靠老闆兼契爺林建名。

Byoung解釋，和老闆結緣於廣州一個公開聚會，兩人一見如故，後來更正式上契，有契爺撐腰力捧，凡事理應事半功倍，但她馬上澄清說：「都唔係你諗咁樣，之前我有baby fat，老闆就落咗令，如果我唔keep fit，無論如何都唔會簽，契爺契女都冇情講。」為了達標，Byoung拍攝當日，便由朝到晚只吃一個蘋果，有苦自己知。

Byoung得老闆兼契爺揼本，推出寵物相集《強B去哪兒》，主角正是她和愛犬八哥。

上月，Byoung與老闆林建名正式上契，筵開七席招待好友，更做足斟茶上契儀式。

林建名為契女着想，愛之深、責之切，實質對Byoung寵愛有加，為介紹愛將給香港大眾認識，落重本投資六位數，拍攝一本寵物相集，主角正是Byoung和她的愛犬八哥，「我本來唔係咁鍾意養狗，但係幾年前見佢被遺棄喺公園，於是就執咗佢返嚟養。」契爺見契女與寵物人狗情深，靈機一觸為一人一狗出書，書名叫《強B去哪兒》，一來作為打入香港娛樂圈頭炮，二來收益捐贈保護遺棄動物協會行善，一舉兩得。

相集不似時下o靚模寫真集露肉玩性感，Byoung說：「雖然我唔介意性感，但公司覺得清純路線適合我多啲，都希望真係不負公司同契爺期望，做到好似Janice Man或者Angelababy咁成功！」

有契爺落本、落心機打造，闖出個未來應該不難。

Byoung's Profile

中文名：劉凱欣

英文名：Byoung

年齡：23歲

身高：167cm

體重：50kg

出生地點：廣州

曾獲獎項：第61屆世界小姐廣東賽區最佳上鏡小姐冠軍，2011年中國美容大賽廣東賽區亞軍，2010年羊城晚報《可樂生活》周刊Coverstar季軍，2010年全國平面模特兒大賽新人獎。