為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2014 年 07 月 21 日

爸爸有話兒 李霖恩

內地親子節目《爸爸去哪兒》紅爆中港台三地,近日播映中的第二季仍繼續強勢。曾經參與港版《爸B也Upgrade》演出的前保安局局長李少光獨子李霖恩(Glen)及四歲半女兒李清宜(Gianna),也因而人氣勁升。

面頰總是肥嘟嘟、紅卜卜的Gianna,在節目中被指是「港童」、「公主病」,數月後的這天,她跟爸爸騎着單車,大汗叠細汗,全程活力十足;爸爸李霖恩卻靜靜在旁,一邊做訪問,一邊兩眼(目及)實女兒。

「我以前做過五年兒童節目主持人,個個小朋友都畀我o氹到貼貼服服,我以為生咗小朋友後都會一樣,但原來有啲小朋友真係『唔見棺材唔流眼淚』,一定要鬧佢先會學乖!我終於明白,點解當初我爸爸對住我會咁忟,哈哈!」

養兒方知父母恩,但見女兒撒嬌,李霖恩還是甜入心!

大家姐

訪問當天,帶着睡意剛上完中文及英文補習班的Gianna,甫聽到要去海濱長廊踏單車,馬上兩眼碌碌,興奮得尖叫,還狂奔到遊樂場爬高爬低。不消五分鐘,她即與攝影哥哥混熟,一起騎木馬之餘,還打算一支水兩份飲。李霖恩笑稱:「佢真係一啲都唔怕醜,啱啱識人就可以攬住人,拖實話要去邊玩,好容易同人相處,但有時就太過熱情,搞到有啲小朋友都驚咗佢。」

李霖恩爸爸李少光相當寵愛孫女,閒時更會抽空飲茶,李霖恩說:「我哋住樓上樓下,周不時都會帶女女去爸爸屋企玩。」

性格大膽又好動的Gianna,家中有一名兩歲的弟弟,在家族中更是大家姐,就連當日要搬單車上樓梯,她都馬上發揮「大家姐」本色,豪邁地拋下一句:「唔使你搬,我自己嚟得喇!」霸氣盡現。

「佢好鍾意做領導,唔會畀人話事,再加上佢學跆拳道班時,已帶領住一班師弟師妹打拳,成日同小朋友講:『你唔好郁、唔好嘈、唔好曳,你要坐定定喺度!』,所以形成佢『大家姐』性格。但其他小朋友未必鍾意,有時仲會誤會佢,所以都搞到我幾頭痕!」李霖恩說。

一二年,李霖恩與老婆Candy帶同仔仔浩宜及女女Gianna齊齊到香港迪士尼樂園玩,共聚家庭樂。