八両金（葉競生）和前妻八両菜（何顓彤）早前突爆罵戰，被前妻狂數三宗罪的他，誓神劈願冇對前妻唔住。奈何，事件仍未告一段落，八両菜主動聯絡本刊再爆料，揭八両金當年秘藏大批與親密女友的極級慾片慾照，對婚姻不忠。

多年來，被前夫唱衰拋夫棄子，兒子八両仔（葉小霆）更疏遠媽媽時至今日，滿肚冤屈的八両菜，指摘八両金一直扮好人，她更喊爆說：「佢仲話每個月肯畀一萬蚊家用叫我返去，呢個人超級精神病！」愛上他是一生中的錯，八両菜斬釘截鐵說：「今生今世請佢死咗條心！」

八両菜表示被前夫唱足十五年「拋夫棄子」，感覺滿肚寃屈，更愈說愈激動爆喊！

前夫離家在先

八両金多年來自我塑造苦情男人的形象，當口號般常掛嘴邊：「人又老，錢又冇，老婆仲走埋佬。」

自九九年離開前夫家的八両菜，坦言啞忍對方足足十五年。滿肚冤屈，一見本刊記者即急不及待澄清，她說：「唔係我走佬，係佢離家在先。我走之前半年，佢對屋企愛理不理，久唔久留張字條『輕輕的我走了』，就可以唔見咗人幾個星期。我搬走之前兩星期，發晒短訊畀佢知，如果deadline前佢唔返，我就搬！當時佢喺廈門，搭船幾個鐘嘅事，但佢冇理過。」八両菜又堅稱，八両金解釋為口奔馳，當年忙登台搵食是大話冚大話，她說：「佢當年仲游手好閒，邊有騷做呀！」

八両菜展示手機短訊，訊息內容是她鬧爆前夫口口聲聲求復合，其實只為求多個工人使。