
Keep 23吋腰 白姐姐搵命博
隨着年紀增長、新陳代謝緩慢,人到中年囤積脂肪在所難免,但是外傳已年過七十的白韻琴(白姐姐),不單止肌膚嬌嫩如昔,就連二十三吋腰圍也勝過時下的一眾o靚模。
白姐姐fit過o靚模的秘密,原來,她除了以「辟穀」來維持美好身段及靚靚皮膚之外,還有勤做健身與瑜伽,近期她更沉迷上極高難度的空中瑜伽。玩空中瑜伽不僅要懂得拿揑平衡,更要有極好的體力,萬一失重心、不留神便很容易墮地骨折,分分鐘搵命嚟博;不過,白姐姐對這項運動手到拿來,游刃有餘。

雖年紀不小,但依然活力充沛的白韻琴,面對空中瑜伽各種高難度動作都游刃有餘,這招空中分腿,對她來說可謂輕而易舉。
否認七十歲
一代才女白韻琴(白姐姐),美貌、智慧與身材並存,兩大才子蕭若元與黃霑都是她的裙下之臣。縱使八九年與謝偉俊(Paul)相戀結婚後,白姐姐仍自爆不怕沒有人追,皆因她保養得宜,身材fit過好多o靚模,皮膚keep住水潤、彈性。面對外間傳她年過七十,白姐姐氣定神閒地回答:「啲傳媒寫我七十幾,但係可以keep到咁嘅樣,會令單新聞有趣啲,咪有得佢哋寫囉;我其實仲未登『六』(即仍未到六十歲),有好多人成日喺度估我嘅真實年齡,亦都有好多人問我點keep fit?我好直接咁答,最快而又唔使使錢,就係唔食。」
