為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 06 月 05 日

大班縮皮減騷錢 細良反面拉隊搞網台

天下無不散之筵席,所謂合久必分,由《茶杯》年代一直跟住大班搵食的劉細良,經大班推薦畀煲呔入特首辦。離開官場後,由DBC數碼電台到D100網台,「兩師徒」一路拍住上,不過最近竟因少少show錢而跟大班反面,搞到細良同太太Carman要另起爐灶。

據線人講,由於D100最近財政相當緊絀,內部不斷要諗計縮皮,其中一招係削減前線開咪DJ的show錢,細良同大班關係幾老友都冇情講,一樣照減,細良聽到之後好不滿,更反要求大班加show錢,一個要減一個要加,結果令兩人種下心病。

條數傾唔掂,細良過去兩個月來不時喺節目內對D100管理層單單打打,激到大班更加火滾,準備郁走細良之際,細良聞到燶味,上周做完節目突然宣布散水,再拉走部分人另搞網台。

劉細良離開特首辦後,一直以文化人身份游走於出版、電台及網絡媒介,現時更進一步自立門戶建立自己的網台。

另有消息就指,細良隻腳一行出D100大門,新網台名「ibhk」(香港網絡廣播電台)就已改好,連節目表開騷時間都有齊,擺明一早部署好自立門戶。

消息人士指,細良不時同身邊朋友講,好想一手一腳搞網台,「佢喺D100同埋蔡東豪檔《主場新聞》玩咗兩年,喺兩個平台已經建立一定的網絡媒體接觸面,隨時可以拉到一班DJ開咪,又有一班o靚仔可以幫手喺前線打骰,加上開網台只需要用幾千元開一個server已搞掂,冇乜技術成本,既然大班都唔再揼水,不如自己試下出來玩。」

據講,細良新網台會於下月正式開咪,另外亦會拍埋片,有聲有畫,想做到好似動新聞咁,諗頭好大,但人手方面就相當單薄,令人質疑可以做到幾多嘢,因為成個台只由一個叫Kelvin Yu(余嘉允)的學生義工負責。冇咗大班,細良自己檔嘢可以點玩,下個月拭目以待。

ibhk網台已有詳細的網頁介面介紹內容,而DJ陣容亦基本齊腳。

大班打骰的D100近期因財政緊絀要縮減開支,DJ開騷錢首當其衝被削。