為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 05 月 09 日

學界總動員 激進方案搶灘佔中

政改諮詢期第一階段完結,但離具體方案公布仍有一段日子。不過,泛民陣營之間、各自力推的方案已鬥到七彩。佔中行動於本周二舉行商討日,出席人士會投票選出三大泛民政改方案,放喺六月廿二日進行全民公投。根據港大民調預測,暫時真普聯的三軌方案領先,不過,學民思潮就推出最激進的公民提名方案。

學界準備於六、七月總動員,全力推政改方案公投,再進一步力谷七一佔中。

據泛民消息人士指,「公民提名」和「政黨提名」合法性之前已被否定,不過學民同學聯似乎繼續想挾持方案硬闖,似係為佔中鋪路。

「黃之鋒和學聯班學生諗嘢好簡單,好想學台灣搞起一場轟轟烈烈嘅太陽花學運,暑期放假係最好時機。大家都明知公民提名方案一定被否決,但只要激進方案入到公投,到時就有所謂民意依據,可以攞來做武器,號召市民、最主要係學生上街抗爭。」

該泛民人士說,學民現時首要做的是打低所有大熱的溫和方案,尤其是陳方安生的二○二○方案;最近成班學生當陳太好似仇人咁砌,又演街頭劇諷刺、又燒假人像,明顯係砌低陳太方案。

學民思潮全力狙擊陳方安生,務必要打沉溫和派的政改方案,令公民提名於「六二二公投」成為泛民「主流」方案。

該人士又話,由於大部分學生陸續考完試,佢哋有足夠時間大玩一鋪。據講,學民同學聯兩批人將分別喺中學、大專院校擺街站做宣傳,動員學生七一就啟動佔中,其中學民仲會喺七一前灑銀彈賣廣告打宣傳戰:「佢哋近年籌款至少累存超過五十萬,夠燒錢賣廣告有突,教協進師盟班人又喺後面撐佢哋,動員力唔可以睇小。」