為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 03 月 27 日

港協改選 惹名利之爭

早前受冬奧隊醫風波困擾嘅港協暨奧委會,本月廿七號會選出新一屆義務委員,不過候選名單一出即飽受批評。事關除咗副會長叫做有競爭外,義務秘書、義務副秘書同義務司庫,都係等額選舉,意即現時在任嘅霍震霆、彭沖同霍啟剛等基本上會自動當選。而參選副會長嘅新面孔之中,分別由羽毛球總會及單車聯會提名嘅湯徫掄同胡曉明,其實係今屆退任副會長嘅湯恩佳同胡法光的兒子,亦惹來「世襲」批評。

港協長期被壟斷,唔少體壇人物都不滿,徐家傑(下圖)承認,有泰拳運動員曾投訴港協。

其實體育界咁緊張個選舉,講白一點都係為了利益。因為港協有權審批哪些本地體育總會做成員團體,做咗成員團體,之後搵政府支持,或者租借場地都會有較大優勢。港協長期由同一班人話事,自然有人不滿,有泰拳運動員就同本刊講,港協一直唔處理泰拳運動員同拳擊總會糾紛,完全發揮唔到協調功能,批評有人有私心。

消息人士話,為爭取參賽機會和資源,不少泰拳運動員希望加入拳總,不過拳總一直唔開放會籍畀佢哋。佢哋搵港協投訴,但港協一直唔處理。本刊問過拳擊總會榮譽主席徐家傑,佢承認有呢件事,「泰拳運動員向港協求助過好多次,冇人理,我作為泰拳愛好者,都好無奈﹗」記者上星期三向港協查詢過,不過至星期一截稿前都未有回應。

港協領導層長期被壟斷惹嚟好多不滿,不過亦有人為佢哋講好說話。有體育界人士話,港協長期由霍家主導,係因為霍家在本地以至國內體育界都好有威望,有霍家個名,無論處理對內對外問題,都易解決好多。