為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2014 年 02 月 25 日

陳志健醉爆老婆

早排無綫電視劇《牛頭愛搭馬嘴》煞科宴,男女主角李思捷、萬綺雯夾份請食飯,仲夾錢大抽獎,搞到成班台前幕後鬼咁開心。

雖則呢行潛規則「有大食大」,但勢估唔到有份拍呢套劇嘅陳志健(Otto)連唔關事嘅老婆羅苡之(Tisha)都拖埋嚟,可能套劇又有外父羅樂林份,既然老竇、老公都喺度,Tisha都唔怕畀人話「菠蘿雞」,一齊飯局啦!

東姑嗰晚見到Tisha走嗰陣,仲醉到行都行唔到,要由老公同埋老竇扶上的士,可想而知佢玩得幾咁盡興,亦好在有兩個最親嘅男人喺身邊,唔係醉成咁畀人「溶」咗都唔知。

老公同老竇有份拍嘅電視劇煞科宴,Tisha居然唔關事都飲到啤啤夫咁走,認真盡興。

Tisha醉到企都企唔穩,要由老公Otto扶住走,而老竇羅樂林亦好緊張傍到實。

Tisha最後要由老公同埋老竇夾手夾腳扶上的士走人,醉得幾厲害吓。

陳志健(Otto)喺前年十月,同拍拖多年嘅羅苡之(Tisha)正式拉埋天窗。