為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2014 年 02 月 28 日

雪慌

港人旅遊熱點東京,近日受四十五年一遇的大風雪吹襲,連日來陸空交通幾近癱瘓,全市白茫茫一片,有社交圈名人恰巧身在當地,過了一個慌心旅程。

時裝網站zeuz.com總監陳君宜坐的座駕險些跣胎炒車;禧辰有限公司總裁虞茱迪甫落機即遇上公路封閉,焗搭龜速火車兼企足全程,煎熬一晚;傅嘉莉則在大風雪下凍傷腳。

風雪飄搖,雖然最終有驚無險,但此行已叫眾人畢生難忘!

陳君宜 雪地跣胎險反車

時裝網站zeuz.com總監陳君宜(Qinnie),年初二(1日)與老公鄭躬明及朋友到日本七天遊。行程最後一天遇上大風雪,她憶述由東京銀座酒店到成田機場的車程,亦不禁毛管戙:「嗰朝一早起身,見窗外白茫茫,大風大雪,我哋都唔敢出街,仲特地叫司機提早幾個鐘車我哋去機場。沿途車速好緩慢,上到公路又大塞車,司機驚我哋趕唔到飛機,於是轉走偏僻的小路,但馬路已被風雪掩蓋,仲結了冰,到底前面係冰定係路,我哋都睇唔到,一不小心好易跣胎,沿途都見有幾架車反轉咗!原本個多小時的車程,我們要花上三個多小時才安全到達機場。」

陳君宜將自己包到實一實,落街感受大風雪的威力。

街上大風大雪,陳君宜出街意慾大減,在酒店房間拍下窗外景色。

機場大混亂

陳君宜笑言,到達機場後卻是另一場噩夢,「大部分航班都cancel晒,附近酒店又full booking,問日航嘅工作人員幾時上得機,佢哋又咩都唔知,淨係叫我哋等,成個機場都好混亂,只見好多人攞睡袋就咁瞓喺地下。我哋都算好彩,等咗三粒鐘就上到飛機,但已經驚餐飽。」

東京往機場的道路滿布積雪,沿途空無一人,如死城般可怕。