為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2014 年 02 月 27 日

殺入影壇 胡杏兒狂卓韻芝加戲

雖然胡杏兒(杏兒)在無綫貴為視后,但拍電影卻寥寥可數,而且戲份通常行行企企對白一句起、兩句止,慘被淪為電影大茄。

由卓韻芝(阿芝)執導新片《失戀急讓》(暫名),卡士個個擲地有聲,搵來影帝張家輝發功,力挺鄭秀文(Sammi)爭奪下屆影后,而視后杏兒亦有份做串星以助氣勢。

可以「掹到車邊」與影帝和天后合作,機會千載難逢,本刊發現,杏兒早前便趁與導演飯局,狂冧對方加戲,實行 得幾多得幾多。

日前,胡杏兒被發現約埋新戲導演卓韻芝飯敍,懷疑出招狂冧對方加戲,道別時更刻意熱情地和阿芝擁抱。

視帝視后串場

卓韻芝(阿芝)的處女作《爆3俏嬌娃》票房麻麻,但與鄭秀文(Sammi)份屬好友的她,得到對方答應割價做新戲女主角,手執Sammi做「王牌」,就連近年好少接拍喜劇的張家輝,都肯落叠做男主角。

男女主角就位,連戲入面的配腳都要精雕細琢,眼見Sammi過去提名十一次影后皆敗北而還,阿芝希望藉今次合作為好姊妹爭取機會攞影后,所以陣容上除了影帝家輝之外,就連戲份唔多的角色,都找來「視帝」、「視后」串場,以加強聲勢。

胡杏兒在無綫經理人陪同下,相約導演卓韻芝在大坑西餐廳見面,細心聽阿芝講解新戲的角色和劇情。