為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 01 月 14 日

馮檢基力「溝」方國珊

後年係民協成立三十周年,呢個黨多年來只集中喺九龍西、深水埗打拼,經常被人笑係「深水埗黨」。作為民協精神領袖嘅馮檢基,可能都睇到呢個問題,近日佢就同前自由黨人、喺將軍澳堆填區問題上赤膊上陣嘅西貢區議員「哪吒」方國珊(圖)行得好埋,政圈傳聞仲話阿基唔排除想拉佢入黨。

據線人講,上年堆填區議題鬧得熱烘烘時,阿基已殺入將軍澳,同哪吒一齊抗議,又同佢孖公仔咁去視察堆填區。自此之後,兩個人成日拍住上,上星期阿基喺立法會同本刊講,遲啲又同哪吒一齊搞堆填區論壇,唔排除日後仲會繼續搞。

雖然阿基未開口叫哪吒入黨,不過一班泛民老友見佢哋兩個愈行愈埋,就勸阿基三思,千萬勿讓「婚事」成真,皆因方國珊經常喺地區點火頭,仇口好多,左中右陣營都怕咗佢,今日同佢行得咁埋,將來好難甩身也。