為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 01 月 18 日

林鄭飯局要斬料加餸

政務司司長林鄭月娥擔起政改大旗後,上星期又連續幾晚喺官邸設宴,同立法會各路人馬交換意見。據講飯後最惹人談論的並非政改內容,而係餐飯有乜餸。

有出席立法會議員話,當日大家坐埋一張類似會議枱的飯桌用餐,由侍應輪流上菜,印象中有粉葛鯪魚湯、野菌豆腐、蒸魚、番茄烤肉排、沙爹牛肉腸,好唔好味就不便評論,但好多人都覺得份量唔多夠,搞到部分議員食完好似冇嘢落肚。

林鄭喺官場出晒名食嘢簡單,聽說之前有行會成員相約,喺林鄭辦公室工作午膳,上到去有人奉上一份三文治,議員以為係頭盤,十五分鐘食完,點知一直到傾完都再無嘢食,原來林鄭咁樣就當係一餐。估唔到連佢嘅官邸夜宴一樣精簡。有泛民中人笑住建議參加第二場飯局嘅議員,最好之前喺中環斬定隻白切雞加餸。

林鄭月娥出名「好打得」,但觀乎眾議員對政改飯局菜單嘅意見,似乎就唔係「好食得」,當晚飯局照,飯枱似會議枱多啲。