為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 01 月 17 日

借公民黨過橋 范國威追殺舊黨友

政改諮詢內容十劃未有一撇,不過泛民內部自己先鬥到七彩,民主黨更被左右夾攻。

話說真普聯上星期公布普選建議,拋出公民提名、政黨提名、提名委員會三軌並行方案,召集人鄭宇碩強調話抽走任何一軌,都唔係真普聯方案,又話所有成員都要全力推動三軌制,極力為三軌大綑綁。對公民提名一直有保留的民主黨,即時急急澄清,話「三軌」絕非缺一不可,各黨派可以各自表述,結果引起內部罵戰。

范國威(右)向來同民主黨班大佬有仇口,如今出到口叫何俊仁辭職引發公投,再借推公民黨余若薇入局搶埋仁哥個位,條橋認真絕。

同民主黨十冤九仇的人民力量,拍枱拍櫈話民主黨並非同路人,要求民主黨退出真普聯,激到卿姐非常火滾,狂鬧人力未開波已經搞分化,講明民主黨絕對唔會退出。

人力同民主黨暫時都係口水戰,但最毒辣係新民主同盟范國威,呢位當年被主流派逼退黨的舊將,度到條絕世好橋。據線人話,范國威突然拋出建議,點名何俊仁辭職,引發一場變相公投,但何俊仁辭職後無得再選,而係讓位給公民黨主席余若薇頂上。

泛民知情者講,公民黨同范國威喺議會內經常傾密偈,由於大家同屬「公投派」,公民黨有段時間曾想過同新同盟合併,後來因為新同盟內部有保留至告吹。

范國威嘅諗法,係由余若薇出戰,力爭南區區議會補選議席,同時逼對呢個議席一樣虎視眈眈嘅民主黨單仲偕棄選;新同盟加公民黨總動員,Audrey贏面好大。線人話,范國威呢招其實幾絕,表面幫公民黨抬轎,實質借公民黨徹底剷起民主黨地盤。