為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2014 年 01 月 17 日

富貴相中尋 孫道弘

中港照相(1123)主席孫大倫細仔孫道熙於去年十一月的婚禮,被第一代o靚模活希兒穿上與新娘林珊亭同款的婚紗踩場,演變成鬧劇,成為社交熱話。一向低調的孫家,事後被連環追訪,長子孫道弘護弟心切,「佢(活希兒)唔係我契妹,我無問媽咪有無契女,可能有人搞事,唔高興我細佬結婚。」

三十六歲的孫道弘(Stanley),是集團的行政總裁,掌管市值超過八億的照相王國。對他而言,一格菲林、一張相片,都是生財工具。

自接手家族生意後,他全副心機放在工作上,閒時獨愛湊女,做廿四孝老竇,幾乎絕迹公開活動,「無人搵我就最開心,無乜人知我係邊個仲好。我想留番時間同屋企人一齊,多過想去嗰啲活動。」

交戲

訪問期間,孫道弘不苟言笑正經八百的樣子,與父親孫大倫經常笑容滿面,形成強烈對比。難怪他對社交應酬,一向不感興趣,「有些event我會去,當然那刻係好得閒。我覺得別人請你,你唔到,又好衰;無乜人識我仲好,我又不用推你。」

倘若赴會,孫道弘一定交足戲,不似某些富二代又要威,又要戴頭盔。他語帶不滿說:「一係你完全唔出來,你出得來,就預了被人影。你去得那個場合,又唔畀人影,乜嘢意思先?我覺得你不如唔好出啦!」

活希兒(右圖)被指穿上與孫道熙太太林姍亭同款的婚紗(左圖)到婚宴踩場一事,令孫家成為城中紅人。