為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2014 年 01 月 15 日

雪險

又到滑雪季節,最近有名人滑雪接連發生意外,先有德國「車神」舒密加,因撞傷頭部導致昏迷;再有德國總理默克爾因撞傷令盆骨骨折。城中不少名媛雖然亦曾滑雪遇險,但一樣冇有怕,繼續出埠滑過夠,在白茫茫的雪道極速飛馳。

哪怕是跌到一仆一碌,最緊要能夠在軟綿綿的白雪上,享受到零度以下的冬日激fun。

瑞士St. Moritz

陳細潔在瑞士滑雪失平衡,由山頂碌到落山腳,「這是我滑雪多年,最驚險的一次經歷。」

陳細潔人肉雪球

鯊魚女陳細潔(Abbie)熱愛滑雪,每年總會到不同國家挑戰不同雪道,雖然已有十多年滑雪經驗,但她堅持每次都請當地的私人教練貼身指導,她說:「因為每個地方的雪道走線都唔同,只有佢哋(指當地教練)先最熟悉,為咗安全,我每次都會請他們隨行,安全啲又可改善滑雪技巧,而且啲滑雪工具又重,要請佢哋幫手攞。」

滑雪難免跌傷撞瘀,Abbie也曾發生過小意外:「Touch wood!大意外未試過,但幾年前有次去瑞士滑雪,上到最高、最斜的雪山滑下來時,因太高速一時失平衡,成個人舂前打觔斗,仲要個頭落地先,跟住就好似個雪球咁一直碌落山,想停都停唔到,我心諗死梗啦,條頸肯定斷喇!最終由山頂一直碌到落山腳先停到,好彩我有帶護頸套,條頸無事,教練同我檢查,身體亦冇受傷,只係受驚過度,坐喺度唞咗幾個鐘先敢再滑。」

有十多年滑雪經驗的陳細潔,為了安全,每次總會聘請當地的私人教練陪玩。