為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2014 年 01 月 10 日

屋漏逢夜雨 自由黨樁腳被挖

梁振英早排指令司局長杯葛自由黨黨慶,睇嚟該黨同政府嘅關係已經陷於谷底。其他建制派見自由黨被邊緣化,密謀蠶食自由黨勢力,最落力嘅要數新民黨同經民聯。

這兩個政黨同自由黨一直有唔少牙齒印,新民黨上屆立法會選舉同自由黨爭選區鬥到出面,經民聯同田少嘅私怨更加一匹布咁長。過去一年,新民黨就吸納咗唔少自由黨人,例如在元朗區內有「村屋大王」之稱嘅鄉議局執委王威信,十二月中又招攬剛退出自由黨的元朗天盛區區議員陳思靜入黨。

元朗「村屋大王」王威信去年底退出自由黨,令自由黨鄉事力量萎縮。

同陳思靜差唔多時間退出自由黨嘅,仲有黃大仙區議會委任議員兼副主席黃錦超。黃錦超話唔滿意自由黨政策綱領愈來愈唔似工商界政黨,離隊後會獨立發展。

不過有建制派地區人士向本刊透露,經民聯曾經出動領導層級數嘅人士拉佢過檔,據聞黃錦超曾經心動,不過諗清諗楚,覺得長遠而言要走直選路,保持獨立身份有利啲,至婉拒邀請。

兩黨想砌低自由黨嘅想頭一啲都唔細,有政壇中人透露,今年十月京士柏補選,自由黨力推新仔符傳富出選,但新民黨同經民聯就夾計,合力支持「獨立人士」鄧浩斌爭位,鷸蚌相爭,最後被民協候選人漁人得利當選。自由黨慘被左右夾擊,只得二百幾票,地區力量現晒形,將來又點走立法會直選路呢?