為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2014 年 01 月 08 日

田蕊妮拖老公 擦無綫鞋

新鮮熱辣出爐嘅雙料視后田蕊妮,加入TVB多年終憑《巨輪》倀雞英(姚文英)一角,巴辣上位。劇接劇外,又獲簽約做歌手,除咗有老公杜汶澤親自操刀幫佢影唱片封面,處女MV仲搵嚟型男古天樂做男主角,搞作多多。

上周四(二日),佢仲自掏腰包宴請《巨輪》台前幕後食飯,劇中演員蕭正楠、陳展鵬、貝安琪等,以及監製王心慰和高層曾勵珍都有畀面出席,東姑見杜汶澤仲一早就到場打點。當晚阿田心情勁靚拉住老公,逐一答謝賓客,至於經常臭口嘅阿澤,全程襟撈兼主動向高層珍姐打招呼,又好識做話:「哇!見到珍姐腳都軟埋!」兩公婆出錢做大龍鳳,擺明係場擦鞋騷。

杜汶澤拎出電話,向曾勵珍展示佢健身靚仔相。

杜汶澤和田蕊妮向來識做人,一早霸位坐高層隔籬。

田蕊妮升格成雙料視后,席間不斷多謝監製王心慰(左一)和高層曾勵珍。