為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 網上Fun片 2014 年 01 月 06 日

測乜都唔中! 網友寸爆宇宙最準玄學家

每年新年的開始,一班玄學家都會推出生肖書,兼預測幾件事來彰顯自己算幾咁準、幾咁勁,如果貼中全年大事的話,就真係威威食雞,不過貼唔中的話,就真係瘀到爆呀!

近日巴打、絲打們就找來玄學家袁御庫師傅的蛇年運程書,並翻他舊帳,嘲笑他生肖書上的五個預測「中國統一台灣」、「香港樓市下半年大跌」、「林鄭月娥辭職」、「第三次世界大戰爆發」和「中日戰爭在夏秋開戰」都冇一樣係中,貼五樣,五樣都中空寶,實在係全宇宙最準的一個,巴打、絲打仲話好期待袁御庫師傅本二O一四年馬年運程書咁話。

就玄學家袁御庫師傅的預測標榜成績,香港著名玄學家麥玲玲師傅接受《東周網》訪問時就話:「其實玄學家測中九成就係叻,中五成就麻麻哋,而近年有唔少玄學家就鍾意用嘩眾取寵的方法去寫書,亦會用大包圍的方法去預測,測一百件事中十件事,就可以話自己有幾勁,不過都係搵食啫!」

袁御庫師傅去年推出的蛇年運程書,近日被網友翻舊帳,指他測乜都唔見有發生,實在係準到冇朋友呀!

奪得「世界傑出華人奬」的袁御庫師傅,把有關得獎的報道上載到facebook和大家分享。

袁御庫師傅早前出席「世界傑出華人奬及博士學位頒獎典禮」,奪獎的他和徐小明合照留念。

袁御庫師傅自稱早於十二歲之年便習家傳國術,開始其玄學之旅,他為先祖唐朝袁天罡國師的傳人,二十三歲時,袁師傅已開拓了個人事業之發展,於世界各地取得了輝煌的成就,享負盛名,更曾經接受德國雜誌訪問。

雖然被網友激寸,但袁御庫師傅就你有你講,我有我晒料,他不時把去年的預測上載到facebook,話畀大家知佢有實力。

活躍於慈善活動的袁御庫師傅,喜和藝人歌手拍照留念。

玄學家麥玲玲師傳表示玄學家測中九成就係叻,中五成就麻麻哋,但有些玄學家就會大包圍預測,測中一兩件事便耀武揚威。