為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2013 年 12 月 20 日

玩物喪誌 郭子健

現年三十七歲的新晉導演郭子健(Derek)百分百是個玩物狂人,家中收藏的figures存放在工作室內超過二千件,每年更會定期增添新貨過足手癮。「我從少就好鍾意睇superheroes嘅電影、電視、漫畫、卡通,那時細路仔無錢買公仔,但自從九五年我出來社會工作後,賺到錢便開始瘋狂購買,○○年之後更進入失控狀態,哈哈!」

自稱宅男的他,原來還酷愛收藏夏威夷小結他(Ukulele),「我係一個玩得好雜嘅宅男,人哋多數專玩一樣嘢,但我仲會玩埋Ukulele,總之全部都是喺屋企玩得嘅,我都有興趣。」

習慣在Hot Toys和Enterbay購買模型的郭子健,每月固定用幾千至一萬元購入新貨,只要造工靚和仿真度夠高,就算不是自己喜愛的角色一樣照買。

酷愛蝙蝠俠

郭子健收藏figures超過十八年,尤其酷愛英雄角色,無論是七、八十年代的日本幪面超人,或是近年的鐵甲奇俠,都是他收藏的目標。這天拍照,只展示他全部珍藏的五分一,其餘則於家中、工作室及貨倉存放。儲figures無論價錢,還是數量,他都無設上限:「男人都係咁,好肯揼錢去做啲無聊嘢,我收藏figures十幾年,計計埋埋都已經夠畀一層樓嘅首期。」

郭子健第一個收藏的figure是電腦奇俠,他說:「那時要死慳死抵儲錢先買到,約$500。」