方逸華恭賀黎姑娘
人稱黎姑娘嘅黎筱娉女士，自七十年代同老公謝里歌創立洲立集團公司，四十年嚟公司業務蒸蒸日上，深受同行敬重。繼一一年獲得香港電影金像獎頒贈「終身成就獎」之後，日前喺灣仔舉行嘅「亞洲電影博覽會2013」頒獎禮，黎姑娘同老公再齊齊獲頒「電影發行終身成就大獎」，絕對可喜可賀！
當日，東姑都有喺現場，見證呢個電影界嘅盛事，黎姑娘同老公除咗得到廣大同行恭賀之外，無綫非執行董事方逸華亦有到賀，當然唔少得今年八月以豐德麗控股主要持股人身份加入洲立集團嘅林建岳，亦有到場支持新夥伴黎姑娘同謝里歌攞獎，場面星光熠熠。
黎姑娘同老公謝里歌日前雙雙獲亞洲電影博覽會頒發「電影發行終身成就大獎」，相識多年嘅好友方逸華亦有到場，仲送了一個大花籃（箭嘴）祝賀。
