為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 12 月 21 日

官恩娜消費精神眼

買嘢眉精眼企絕對唔係師奶嘅專利,好似官恩娜(Ella)咁,咪睇佢平時大癲大肺、粗枝大葉,就誤以為佢好易呃先得o架!

皆因日前東姑行過一間零食舖頭咁啱撞到Ella,見佢一個人笠晒cap帽、着晒大褸,睇落鬼鬼祟祟四圍(目及),唔知仲以為做賊,原來佢喺度shopping買零食至真。不過,Ella就十足QC樣樣驗屍咁驗,揀嘢買都唔係隨隨便便、求求其其。佢每樣嘢除咗拎上手睇過度過,揀過係大減價先買唔在講,仲要每樣嘢都睇清楚有冇過食用期先放心。識揀平嘢,又識揀食得放心嘅,咁先至係名副其實嘅精明醒目。講真無謂貪平食咗過期食品,慳埋都唔夠醫藥費喇!

Ella戴晒帽同埋着件大褸去零食舖買嘢,又好似QC咁驗啲貨,唔知以為佢做賊。

買完一大堆零食之後,Ella去收銀處用八達通畀錢,睇嚟係長期幫襯開嘅熟客仔。

除咗睇清楚係咪減價貨品先買之外,Ella仲好精明咁睇清楚食用期限o架!