現今「怪獸家長」不絕於耳，究竟有沒有家長坦白承認自己是「怪獸」？

主持港台節目《我們不是怪獸》的張璧賢，平時經常要訪問親子專家，對於現今怪獸家長的行徑司空見慣。有這些真實例子作借鑑，育有一對年幼子女的她，深感自己不是「怪獸家長」，雖然曾一度「怪獸」過，但最後都臨崖勒馬，學懂放手和學習，不致破壞親子關係。

「我學識要忍手，但唔係對佢冇要求，你鬧佢其實係冇意思，好似佢做功課做完就算，錯咗等老師改完返嚟再同佢講，有時話完佢要抱吓佢，畀佢知道媽媽係好錫佢。」張璧賢最真摯的分享。

因為主持香港電台的親子節目，令張璧賢從中「取經」和學習，從此告別「怪獸」的行列。

從節目得啟示

港台節目《我們不是怪獸》的主持張璧賢，育有一名五歲半的兒子鍾嘉朗，及一名三歲的女兒鍾嘉熹。甫訪問，她便劈頭笑言自己並不「怪獸」。「我絕對唔承認自己係『怪獸家長』，相比o依家嘅家長，我覺得自己唔係咁緊張嗰批，佢哋報十幾間學校，我只係報五、六間；而且我冇買過暑假作業畀個仔做，最多都係朋友買多咗而畀佢做，我亦冇check佢有冇做，因為想個仔真係放暑假，放鬆吓。」的確，張璧賢為兒子所揀選的馬頭涌官立小學，都是以近居所為大前提，兒子可以每天早上七時起牀，再由她接載上學，然後自己返電台工作，時間安排得綽綽有餘。「我都係受阿屈（屈穎妍，另一個節目主持人）影響，小朋友讀書唔一定要讀名校，呢間都幾係我哋心儀嘅學校，佢都鍾意返學。」

一家人每逢假期都會去到郊外遊玩，增加親子情之餘，同時可讓孩子多接觸動物和大自然。