為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2013 年 12 月 03 日

關慧玲

《東周刊》社長兼總編輯。

難忘並肩作戰 肥胡畀護士搞喊

做了醫管局主席九年嘅胡定旭,自決定退下來後日日忙個不停,原來佢靜雞雞落去所有聯網嘅醫院,親自同班前線員工講拜拜,點知畀班護士搞到佢在人前流淚。

肥胡在醫管局工作超過十五年,擔任主席九年多,佢在任期間遇上醫管局風雨飄搖,沙士肆虐令員工人心惶惶,肥胡趁放工落去醫院打氣,他不是醫生,點樣醫人幫唔到手,但拍拍員工膊頭,說句辛苦晒絕對係佢能力範圍內。印象中他應該係落最多嘅主席,佢話醫護被沙士衝擊得好緊要,非常時期,都要想辦法激勵前線士氣。

肥胡話,沙士時期,醫院好多前線醫護都不敢回家,怕將沙士傳染給親人,又想留守照顧病人。佢印象最深係有個長時間留守醫院工作嘅護士,佢媽媽特意攞湯水來醫院探她,護士卻只敢叫母親遠遠擺低,母女倆隔住條長長走廊互相凝視,大家都掉下淚來,時間彷彿就此停着,有種今日一別,不知生死的無力感。

在員工告別大會上,行政總裁梁栢賢將一張特大的醫管局員工證頒畀肥胡,教他感動又高興。

肥胡說,當年好多醫護的確是本着會死的決心留守,醫院內壓力超大,心理質素差一點都頂不住,不過,艱苦時期也是醫界最團結的時候。

肥胡更說了一個秘密,原來當年醫管局行政總裁何兆煒和沙田威爾斯醫院行政總監馮康相繼中招後,署任嘅高永文,同主席梁智鴻都曾一度發燒,要立即做快速測試和在酒店隔離,肥胡嗰晚真係擔心到瞓唔着,心想如果他倆都倒下,還有誰可以主持大局?他更怕主帥連接出事會令軍心動搖,好彩最後證實是一場虛驚。

另一個難忘場景,就是○七年時,千幾個醫生因為薪酬問題,在伊利沙伯醫院靜坐抗議。肥胡到達伊院時,被全場醫生大「噓」,佢話咁大個人第一次被千幾人噓,都幾難受。

肥胡臨別去探醫護本來好低調,怎知好多人聞風而來,令佢意外的,係當年有份搞靜坐嘅前工會主席黎鏡堯在告別茶會上跟他說:「主席識得多,好似你咁落手落腳的都係第一個。」有些醫護又作詩又改編歌唱畀佢聽,搞到佢眼眶一紅,只好嗱嗱聲攞手巾仔出來扮抹眼,實質係被感動到喊。

肥胡在醫管局多年,積累不少人脈,他會繼續遊走內地醫療界,明年應該有新搞作,係咩就要先賣個關子了。