為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 11 月 07 日

民主黨力捧林卓廷 剷除匯點勢力

民主黨總幹事林卓廷最近頻頻上鏡,佢之前做過廉記調查主任,近期頻頻就廉政議題發表意見。民主黨線人話,阿廷最近仲成為黨嘅政制、人權、教育、保安四大範疇的副政策發言人,九月中會喺上水石湖墟開辦事處,落手處理北區地區事務。

消息指,民主黨總幹事呢個職位,主要負責行政黨務,好少搞埋地區工作,民主黨幫一個總幹事開地區辦事處好罕見,如無意外,佢應該會代表民主黨出戰二○一五年區議會選舉同一六年立法會選舉。

熟識林卓廷嘅黨友話,佢九九年中文大學政治及行政學系畢業後入黨,做過兩位前主席何俊仁同李永達嘅助理,○六年「真兄弟」事件中,黨內成立由司徒華、李柱銘等元老牽頭嘅五人調查小組,林卓廷又兼埋小組秘書,可見高度獲得黨大佬信任,之後「林公公」之名從此喺黨內流傳。

○六年,林卓廷與同時任總幹事的夏詠援不咬弦而離開民主黨,跳槽去廉記,幾年後前總幹事陳家偉因桃色風波退黨,蜀中無人之下,何俊仁又召佢返民主黨,從此喺黨內扶搖直上。

有泛民線人就講,新界北區一向係匯點黃成智地盤,阿智喺上年立法會選舉敗選後已漸退隱,專注經營自己盤社企生意,無意重出江湖,民主黨主流派順勢搵林卓廷出馬,進一步剷走匯點殘餘勢力。

除咗林卓廷孭重飛,據講黨內亦會搞「政治領袖培訓課程」,重點培訓另外七個人,包括「九哥」蔡耀昌、陳樹英、羅健熙、區諾軒、柴文瀚、尹兆堅、鄺俊宇等。有民主黨人話,今次黨內排陣畫公仔已畫到出腸,加埋林卓廷,呢八個人肯定係未來區議會同立法會選舉嘅「鐵膽」。

林卓廷將以總幹事身份,為民主黨披甲上陣參選區議會、立法會。