葉劉手下「狀元」 加入中大

葉劉出咗名識揀蟀，當中唔少係頂級高材生，當年佢留學美國，認識一批青年才俊，部分被佢收編旗下，其中之一係二○○○年十優狀元蔡宗衡，佢曾幫葉劉手成立匯賢智庫，最近攞咗高學歷返港，參與中大嘅生物化學科技研究，重點研究抗癌治癌。

蔡宗衡係華仁仔，當年去咗史丹福讀化學工程，○五年畢業後即參與匯賢智庫工作，一直係核心成員。

佢讀完史丹福就轉咗去加州理工學院讀博士，研究治癌標靶藥，論文發表於權威科學雜誌包括《自然》和《美國國家科學院院刊》等，好受重視。

佢當年去加州理工要申請學生Visa，因研究範疇屬尖端科技，當時要查家宅咁查，好耐至攞到簽證。