為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 09 月 14 日

陳嘉桓迷人Pink Car

二十歲嘅陳嘉桓(Rose),樣子清純、身高五呎九,所以深得唔少廣告商嘅喜愛。最近,Rose就同東姑講搵佢做減肥產品代言人嗰位老闆娘非常錫佢,十月將會帶佢去法國睇廠房運作之餘,仲話順道幫佢喺法國影輯靚相出寫真添。

陳嘉桓考牌成功,即買架二手Mini Cooper,再噴埋瓦粉色獎勵自己,粉飾到成架少女dream car。

Rose最新動向除咗會去法國拍寫真集,同返內地拍電視劇搵人仔之外,前排更升呢喺電影《販賣愛》擔正做女主角,做多棲model,Rose真係想唔發都幾難。賺到錢梗係要獎勵吓自己,早前Rose就成功考到車牌,日前東姑喺街就撞到佢揸住座駕出巡。而好鍾意粉色嘅佢,仲嘥咗幾千蚊去噴瓦粉色添,搞到架Mini Cooper似足Hello Kitty咁,遠睇Rose呢架座駕無與倫比,可以話係無數少女心中嘅Dream Car。

之但係東姑一近睇,真係大跌眼鏡,原來Rose係咁「呢啡」,車廂內贈品一大堆唔緊要,最弊就係擺到「立立亂」,東姑再細心一睇架車嘅倒後鏡撞花晒!唉,呢位「P」牌仔粗心大意又求其,各位駕駛人士喺路上見到Rose,記住讓吓佢喇!

呢日陳嘉桓以熱褲登場,吸引到唔少人對佢行注目禮。