模特兒出身的傅嘉莉，入行超過十年，一早已搵得人生第一桶金，更自置物業。雖然在模特兒界大有收成，但她卻愛挑戰，勇闖電視圈當新人。在近日熱播的《衝上雲霄Ⅱ》中，她飾演咖啡妹祖思，跟吳卓羲和胡杏兒大搞三角戀，成功惹人注目，有助入屋。

外表較酷的她，對拍劇滿腔熱誠，事前對角色做足資料搜集外，又在拍攝前每日跑五公里，狂操體能，以應付捱更抵夜的拍攝時間，更不惜自費跟甄詠蓓學演技，和到咖啡店實習學沖咖啡拉花，絕不欺場。她說︰「可以拍呢套劇簡直好似中咗獎，之前《衝Ⅰ》時，我仲讀緊書追劇，無諗過自己可以拍第二輯。所以拍劇前，一定做足功課。每位前輩都好好，杏兒教我咬字和改懶音，鎮宇哥提醒我要入戲，唔好背對白，佢話有經驗嘅演員，放低劇本後，就已經準備好。我希望將來可以有佢嘅演技和有自己的代表作。」《衝Ⅱ》後，她又入組拍攝新劇《愛我請留言》，劇接劇，總算是個好開始！

PROFILE

英文名︰Kelly

出生日期︰1月6日

曾拍攝劇集︰《當四葉草碰上劍尖時》（03年）、《衝上雲霄Ⅱ》（13年）、《愛我請留言》（拍攝中）

曾拍攝電影︰《無間道Ⅱ》（03年）、《人約離婚後》、《索命童話》等