為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 09 月 08 日

基媽百歲宴 魯芬「溝」長毛

馮檢基媽咪百歲大壽,喺新世紀廣場翠園擺咗四十幾圍,以佢嘅江湖地位,街坊滿堂唔在講,局長張建宗、立法會秘書長陳維安同一批立會議員都嚟祝賀,其中民主黨最畀面,主席卿姐一早到,幾個大佬如張文光、李永達等亦坐足全場,此外仲有工黨阿頭李卓人,及社民連長毛。

阿基同泛民班友由細識到大,好似李永達咁,七九年做港大學生會時,已同任職社區組織協會嘅阿基有來往,關係好深,好多嘢都有偈傾。早前阿基被泛民飯盒會選為召集人,稍後普選問題埋牙時,佢嘅角色會更加重要。

基媽百歲宴當晚,阿基請咗「烈火奶奶」魯芬嚟唱歌助興,佢跑慣江湖,一開show就走埋議員嗰枱,特別揸住長毛隻手唔放,話自己係「長毛哥」粉絲,長毛向來玩得,都幾享受。