為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2013 年 08 月 05 日

機師真人騷 譚文豪

電視正熱播有關飛機師的劇集,超靚仔Captain Cool(張智霖飾演)加上型爆的Sam哥(吳鎮宇飾演),引得一眾視迷尖叫,也有觀眾對飛機師這職業產生濃厚興趣和好奇。

「航空界有冇靚仔?有,但我真係未見過像張智霖咁靚仔的機師!」譚文豪是位如假包換的飛機師,劇集出街後他在面書開設「衝上雲霄專業版」專頁,指出每集錯處,旋即獲萬人讚好。

「機師的特色是敢言,唔對路就出聲,改變它,不可讓情況壞下去。」他做過機師工會執委,牽頭為華人機師爭取平等待遇,後來加入政黨,先後參選區議會及立法會,「有人話我揸飛機關政治乜事,我說從政者要有熱誠、夠膽講嘢、做事合理,跟機師好似。」

雖然他沒有Captain Cool的傲氣,也不如Sam哥的嚴肅,但跟Sam哥細佬Issac(吳卓羲飾演)勇於挑戰和敢言的性格,倒有幾分相似。

當了飛機師十二年,譚文豪笑言機師生活不如電視劇描述般多姿多采,但肯定大部分機師都如劇中人一樣敢言。

飛機師靚仔有型的形象深入民心,身邊不乏美女空姐團團轉的畫面,每晚都從公仔箱輸出,「我好肯定地告訴你,機師其實不是咁受歡迎的,是錯覺。

「自九一一後,機長室的門經常要關上,空姐入來跟我們溝通的次數少了很多。」劇中高級機艙事務長經常敲駕駛艙門傾閒偈、自出自入的情況並不存在,「我們上到飛機就好似自閉仔,躲在駕駛艙不出去,只會去廁所,最多只跟機頭的空姐溝通,傾偈一句起、兩句止。」

眼前的譚文豪,不是張智霖級數的靚仔,但身形高大,衣着得宜,訪問時嚴肅之中帶點幽默,形象尚算討好,但他偏偏要向觀眾和讀者大潑冷水,把一眾迷哥迷姐對機師的幻想破滅。

電視劇《衝上雲霄Ⅱ》掀起機師熱潮,不少人對飛機師這個職業充滿好奇。