為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2013 年 08 月 11 日

詹瑞文超準測市法 開騷賣票睇反應

舞台藝人詹瑞文除咗演戲叻之外,原來炒股都頗有心得,佢曾經喺《頭條日報》投資真人騷比賽,仲攞咗冠軍。佢老哥長期睇好佐丹奴(0709),舊年四個幾買入,o依家升到七個幾,帳面賺近七成。另外,詹Sir又以每股個半,買入魔童王維基隻香港電視(1137),上周都升到兩個四毫七。

有次跟他閒聊,詹瑞文話投資股票幾年,得出一啲心得。首先,詹Sir話投資要長線,切忌太心急,更加要摒除貪念。佢解釋,投資者若過分貪心同心急,就會好易亂,咁就隨時輸錢。

詹Sir又話,投資唔好成日昅住個市,股價上落好易影響自己心情,再而影響決策,所以詹兄話一日最多睇市兩次。

詹Sir唔止做戲叻,原來投資股票都好有心得。

根據佢經驗,投資要多觀察,特別係與日常生活,兩者息息相關。詹兄話畀一言聽,每次開騷賣飛,就知個市得唔得,若然門票滯銷,好多時就係恒指大跌;若然啲門票賣得好,個市應唔會衰得去邊。雖則一張票講緊係幾百蚊,但千萬唔好睇小,市況唔好,觀眾的心理肯定有影響。

最深刻一次係○八年,剛啱金融海嘯,詹兄重演《男人之虎》,喺沙田大會堂演兩個禮拜,初期銷量一般,只係賣到一半飛,佢諗出「賣大包」條橋,先做一場免費攞口碑,其餘場數銷情即時轉佳,最後都去到七成半飛。

當年搞《男人之虎》時,正藉金融海嘯,詹Sir即刻做場免費show加強宣傳,後尾啲票都去到七成。