為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 07 月 05 日

高登仔奇招 封殺淨心BB

出晒名嘅淨心BB,近日十分勞嘈,皆因佢帶頭嘅愛國團體「愛護香港力量」,最近個facebook專頁被強制關閉,原來有網民密集舉報,話專頁登出色情內容,結果被block咗。

陳淨心指,專頁早前上載咗一幅釣墨魚嘅相,但竟然被網民話色情,可能因為咁被「封」。據IT界人士講,facebook「封網」嘅準則一向冇人知,可能有太多人一齊密集舉報,facebook唔會調查,自動將專頁關閉。舊年有人設立專頁呼籲七.一上街,因出現大量舉報,結果被封,可能今次有網民以同一招數向淨心BB個專頁報復。

佢近日已開咗另一新群組,不過一眾高登「巴打」唔放過,繼續集體舉報,指群組散播仇恨言論,結果新群組又被block,高登仔再勝一仗!

淨心BB個「愛護香港力量」於facebook嘅專頁最近被封,懷疑係高登仔集體舉報,將專頁搞瓜!