為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 07 月 04 日

「佔中」三搞手 拒借出招牌

七.一遊行前夕,「佔領中環」三搞手戴耀廷、陳健民同朱耀明強調唔會喺遊行後會參與留守,任何「佔中」預演同佢哋明年搞嘅「和平佔中」無關,擺明劃清界線。

線人話,三搞手知道遊行後繼續集會,好可能搞出事,因為群眾中龍蛇混雜,激進組織如熱血公民、人民力量以至本土幫等都想乘機抽水,場面難以控制,如果出現衝突事件,日後同人講「佔中」係愛與和平行動,都冇人信,所以佢哋聲明所謂預演同「佔中」係兩回事。

不過民陣內有唔同派系,部分人馬另有想法,認為今年唔預演,會招人口實,話民陣唔認真對待「佔中」,動搖大家嘅決心,所以點都要做嘢,以示為佔領中環作準備。

各路人馬對「佔中」分歧漸現,搞落去必各行各路,分分鐘一鑊泡!

「佔領中環」三搞手講明,七.一遊行後嘅「佔中預演」同佢哋完全無關,因為擔心有人抽水,搞亂檔攤。