ＣＹ講教仔經　屈穎妍意外擊中

早排黑雨癱瘓香港，CY當然冇出外活動，你估佢喺特首辦做乜？原來佢用咗一個鐘頭接受香港電台節目《我們不是怪獸》訪問，主持屈穎妍及張璧賢同佢暢談點教仔女，又講到老爸點教佢，佢愈傾愈投入，一開口就滔滔不絕，而且好多感性位，例如回憶起梁老先生時就講到眼濕濕。

屈穎妍寫《怪獸家長》出晒名，成為親子專家，港台個節目亦有好多粉絲，早排佢想在六月十六日父親節搞個專訪，諗來諗去，忽然靈機一觸，不如搵「特首爸爸」做訪問，於是打電話去特首辦提要求，CY知道後，竟二話不說就應承，令屈穎妍大感意外。

CY在黑雨襲港當日，接受港台《我們不是怪獸》主持屈穎妍（左）及張璧賢訪問，暢談一小時講點樣教仔女。訪問將於父親節出街。