為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2013 年 06 月 07 日

金枝飯局炮轟雯女

收視持續低迷嘅《金枝慾孽貳》上周五(三十一日)終於大結局,伍詠薇、蔡少芬、黃德斌等連同監製戚其義(阿戚),相約喺銅鑼灣邊食邊睇,而同劇組爆罵戰嘅鄧萃雯繼續冇影,交惡白熱化。

繼黃德斌同編審周旭明發炮後,今次到阿戚開火,佢當晚向東姑狂數雯女,說:「老闆投資成千萬,你叫人唔好睇係唔正常,出街一星期就咁多新聞,殺傷力好大,對其他演員唔公平!」仲暗寸對方為見報而誇大其詞:「唔知呢啲係咪病囉!」不過,東姑認為如果將呢段是非拍成劇集,師奶觀眾應該一睇就明,收視可能唔止十九點。

跟雯女鬧翻嘅阿戚,對於將來合作,佢就話:「怕佢唔拍啫!」

素顏現身嘅蔡少芬,拒再評雯女是非。

伍詠薇帶老公到場,仲叫老公替佢同班宮女影相。