靠把風扇 唔使用力Chok朱古力波
近日潮興把熊仔餅Chok到變朱古力波，雖然一家大細或同班朋友邊Chok邊玩係好過癮，但其實都幾浪費力水，Chok完之後真係手都軟埋。不過近日網上紅人Hay Wong就教咗大家一個唔使用力的方法去將熊仔餅Chok成朱古力波，就係將幾包熊仔餅黐到電風扇的扇葉上，再把風扇開四十分鐘左右，熊仔餅就會變成朱古力波。雖然這個方法「好似行得通」，但奉勸各位大人同小朋友千祈咪試，免得電親和鎅親手指！不過，有網民表示Hay Wong上載的短片經過剪接，懷疑有造假之嫌，更有網民lamp6318指出，風扇旋轉只能做到離心力，即單一向外力，是無法做到多方擠壓變成圓球，相反手Chok就可產生多方向的撞擊力，先撞碎外圍餅乾，再與朱古力融合擠壓成為朱古力波。
近日網上紅人Hay Wong教咗大家一個唔使用力的方法去將熊仔餅Chok成朱古力波。
