為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 理財  > 投資攻略 2013 年 06 月 01 日

李福兆忠告搶金散戶:咪接煲柄!

股壇教父李福兆雖然八十有四,但腦筋轉數依然好快,炒賣投資更加功力深厚,爐火純青。

四月時金價大冧,一言有位好友第一時間跑去校長(市場對李福兆另一稱呼)喺灣仔嘅證券行,問佢老人家有乜睇法。校長劈頭就警告散戶咪胡亂入市博反彈:「近排金價跌得好急,短期內要睇多幾日,跌定啲先啦!」

校長早年睇好黃金,佢老人家主要嘅收入來源除咗股票同外幣,仲有黃金等貴金屬等。金價大跌,未有影響佢嘅基本睇法,「長遠嚟睇,黃金前景一定好。」不過講到全城盲搶金,佢就有保留。

李福兆寶刀未老,睇金價仍然好準。

「大跌市呢……就要睇定啲先,依家跌個煲落嚟,你揸住個煲柄冇用o架!」佢仲勸散戶:「千萬唔好炒,風險太高!」

薑果然係老的辣,之後金價反彈上升,由一千三百二十一美元一盎司,升到一千四百八十八美元,之後就行人止步,回落到上周五午市一千三百九十美元水平。唔少市場人士同投行仲估計,金價有機會見一千一百美元,回想番校長言論,真係冇錯,依家啲中國大媽個個坐晒艇。

早前散戶瘋狂搶金,到今天隨時要損手。

朋友搵到李福兆,校長話金價跌,散戶小心接到煲柄。