為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 05 月 23 日

誰爆湯料?徐家傑疑英卧底

湯顯明上周末在立法會受靶,因有刑事調查做護身符,好多問題都可以支吾以對,但立法會唔肯罷休,將繼續召佢審問,好戲尚在後頭。當日佢老哥企出嚟見記者時眼濕濕,律師叫佢唔好講咁多,所以轉身上車走人,記者即開車狂追,佢去到加士居道三軍會後「閃」咗入去,本刊調查組此時影到佢相,但苦等成七粒鐘都唔見佢出嚟。

今次究竟係邊個爆阿湯秘料?圈中都相信係廉記內鬼,但乜動機就有多種揣測。有份演《寒戰》嘅前執行處副處長徐家傑接受某傳媒訪問,就有另一種「陰謀論」,佢話廉記有人員係「英國人留低」,有「特殊任務」,成件事背後係一場政治攻防戰,目的係將中方官員「妖魔化」。

徐老哥仲話,在港英時期,廉署工作方式亦包括「請客食飯」,當時一位上司夏烈就講過,全世界都一樣,做嘢有時要飲酒食飯,如果冇效,就給些好處。當然要正當,過得到審查。佢呢個「陰謀論」有幾真,冇人知道。

本刊調查組影到湯顯明「閃」入加士居道三軍會避記者,之後失咗蹤。