為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2013 年 05 月 21 日

關慧玲

《東周刊》社長兼總編輯。

陳南祿為新馬覓「地」

恒隆集團(010)董事總經理陳南祿是馬會大董,鍾意養馬。現在七歲的「時時有機」快將退役,他已從新西蘭買入新馬,七月就會到港。早前他跟四方好友飯敍時,便問改咩名好?

陳南祿改名有自己一套潛規則,以前他在國泰做,業務性質與飛機不可分割,於是他隻隻馬名字都有個「機」字,除了「時時有機」,之前仲有一隻叫「有機可乘」,同工作襯到絕。

不過他年前轉到恒隆後改行做地產,隻新馬自然也要轉行,改名想用「地」字做膽,要幽默又要意有所指。席間不少傳媒中人你一言我一語,甚麼「天時地利」、「地靈人傑」一大堆。恒隆傳訊助理董事關則輝都提供咗四個名畀佢選擇,至於佢最後選擇係咩?據知他仍心大心細。

原來改馬名有不少規矩,中文名由兩至四個字組成,不能單由數字組合,而英文名則不能多過十八個字母,標點符號亦當作字母計算。此外,命名不可以粗俗,更不可以有廣告或商業成分,所以想改做恒隆都唔得。

陳南祿隻「時時有機」○八年首度上陣即爆大冷勝出,他興奮與友好一齊拉頭馬。

陳南祿隻「有機可乘」有傷患,當時操了成年都未能上陣,反而「時時有機」出道以來戰績係三冠三亞四季,總獎金近二百萬元,唔算失禮。講到最彪炳一役,是○八年首度上陣,以六十七倍爆大冷勝出,即買十元獨贏,派彩六百七十元,哄動全場。不過對上一次出賽,騎師吳嘉晉竟然一出閘就失平衡墮馬,情況十分罕見,幸好人馬無恙。一心諗住拉頭馬的在場人士全部O嘴,而陳南祿見慣風浪,依舊四萬笑容。

他養馬多年,已練成不計得失的好心情,他常說一場比賽有十二至十四隻馬一齊跑,跑出與否很講天時地利,他更加欣賞馬兒拼盡全力賽跑的過程,輸贏反而是其次。他目前平均月花四萬左右作為馬的生活費,除非隻馬天生異稟,否則一般來說贏馬得來的獎金都補貼不到生活費。他說養馬當然希望有得贏,不過都係欣賞過程,惠及慈善更重要。

好多人買馬講究名種,又要配對父母血統,陳南祿就未必一定要系出名門,揀馬變得相當考眼光。

說回快將退役的「時時有機」,馬會會徵求馬主意見,是送去騎術學校,送返祖家還是交由馬會決定。陳南祿無講佢點處理,席間有人開玩笑可以做狗餅,筆者心想陳南祿應該唔捨得,可能送隻馬回老家新西蘭頤養天年都未定。