為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2013 年 05 月 14 日

巨鴨熱停不了 市民食腦賺duck快

自從巨型吹氣鴨訪港,尖沙咀碼頭一帶人潮如鯽,除了爭靚位影鴨,不少市民也覷準時機賺快錢,在現場推銷塑膠鴨、毛公仔,亦有人自製明信片,或替遊客拍攝即影即有相;遊人玩duck開心,掘金者賺duck更開心。

在公開大學唸一年級的Jessie,帶同舊款風琴式即影即有相機為遊人拍照,每張收費二十元,「已經買了機票到台灣、韓國、美國等地周圍幫人影相,剛巧鴨仔來港,所以以此為試點。」上周四第一天開檔,個半小時已有約二十人幫襯,「有客仲借我部相機來影相。」Jessie笑逐顏開說。

美少女Jessie用舊款風琴式即影即有相機幫人影相,原本打算到西洋菜街擺檔,但見有巨鴨,所以轉戰尖沙咀,反應出乎意料的理想。

有中學生兜售鴨鴨毛公仔,由五十至一百五十元不等,「最初都擔心無人買,但來到見到咁多人,好有信心!」

五支旗杆下,其他產品亦其門如市,有攝影愛好者花了二千元自製明信片,以一套八張賣二十元出售,「最初見到商場賣的那款明信片,是把鴨仔key落維港的,心諗不如我又試吓做來賣。」檔主阿仔和樂仔把開幕首天的靚相印製成明信片,希望殺出一條血路。

「在碼頭擺檔咁多年,從未試過咁多人買嘢,最犀利的一天賺了五千元。」尖沙咀碼頭的報紙檔亦變成「鴨仔天下」,老闆忙於賣鴨,賣報紙雜誌那邊明顯變得冷清。「這款有水泡的塑膠鴨最好賣,另外識着燈的都賣得幾好。」現場所見,報紙檔不消一分鐘就有一單生意,雖然一袋有四隻鴨和兩個水泡的索價八十元,水杯亦賣一百一十元,但仍然有人買,賣鴨仔好過賣報紙。

附近商場的士多啤梨餐廳特製「Duck意餐」吸引食客,生意額因而升了一倍,員工亦因為生意太好而無假放。

報紙檔賣鴨款式最多,有不同大小的塑膠鴨、扇、水杯、鎖匙扣等,單是周末已勁賺五千元。

有保險公司以鴨氣球作招徠,邀請途人填強積金問卷。

自製明信片及大型鴨仔展板,兩位攝影發燒友成功吸引途人注意。