為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2013 年 05 月 18 日

血壓爆燈 大嚿高危

大嚿早兩日現身有線醫療節目,唔係講拉布,而係講自己血壓問題,聽落都幾得人驚。佢話近幾年一直血壓超高,曾經試過上壓一百七十,下壓一百二十,分分鐘爆血管,醫生唔單止要佢食藥,仲畀個二十四小時血壓計佢,定時定候量度,太高就即刻去醫院。

佢話,睇番血壓計紀錄,凡在立法會辯論就飆升,愈砌得勁就愈高,有次同官員駁火,後面位議員睇見佢後頸條血管跳吓跳吓,好驚佢出事。佢又曾經開開吓會眼前一黑,差啲暈低,好彩定一定神後冇事。

電視主持人幫佢量血壓,因為當時輕鬆啲,血壓冇咁高,但上壓都有一百四十九,下壓就八十五,仍然過高,加上佢體重BMI達三十二,屬「嚴重肥胖」,健康絕對處於高危狀態,如果唔搞搞佢,會好大鑊!政圈朋友認為,最佳方法係唔好玩得咁激。