「長毛辦」變煙竇 議員神憎鬼厭
長毛於立會大樓的辦公室火燭，幸好滅火花灑啟動，否則分分鐘有議員燒死！事後有人懷疑長毛偷偷食煙闖禍，佢死口唔認。
但本刊問過幾個議員，都話長毛辦公室時有煙味傳出，附近議員早已深受二手煙之苦。最貼近「長毛辦」係范國威，兩人只一牆之隔，佢嘅助理指，經常聞到好大陣煙味，但長毛房門經常關閉，冇人親眼見到內邊有人吞雲吐霧。另一位議員亦表示，行過都感到有人食煙。
長毛在舊大樓已有前科，故搬到新大樓時，好多議員都唔想做佢鄰居。
為提供更方便的一站式服務與讀者，星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站，只需完成以下簡單登記程序，即可以一個電郵地址，享用以上各網站提供的各種會員服務及源源不絕的會員優惠！
