為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 時事速報 2013 年 05 月 15 日

青姐拍廣告一晚賺六位數字

上星期初,青姐幫大家樂(0341)拍的廣告一出,中環金融圈內隨即議論紛紛,皆因又見她的眼淚。青姐對上一次落淚是滙控(0005)股價跌至三十三蚊時,剛好上周滙控公布不錯的業績,又見佢喺電視喊。

聽青姐說,廣告在大家樂黃埔新店由晚上十時開始通宵拍攝,一晚薪酬六位數字,相信是不少打工仔的「理想」。青姐提起滴淚就哈哈大笑,話當晚通頂拍攝,隻眼好乾,唔易喊出來,早知食個辣雞煲谷淚水。

胡孟青話推咗唔少減肥同財務公司嘅廣告。

大家樂搵青姐拍廣告,聽聞酬金要六位數字。

有個鏡頭青姐仲NG十八次,不過佢自己就好滿意,大讚拍得自然又上鏡,遲吓仲有條微電影推出,內容是青姐的一天生活。據一言了解,青姐每朝七點半就要送阿仔返學,之後落新城開台,佢話其他人問六歲大仔媽咪喺邊,個仔會指住電視:「喺電視入面呀。」

拍了這個廣告後,會否有其他產品邀請?青姐素來是性格巨星,我行我素,佢話曾有不少機構向她招手,做財經講座嘉賓,但青姐經常拒絕,她跟一言講:「我最怕同古靈精怪的人合作,早前就推卻減肥公司同財務公司的廣告。」

胡孟青當年在鏡頭前落淚,即時一哭成名。

繼當年滙豐股價暴挫落淚後,青姐再一次流下女兒淚,不過今次純粹做戲。